清遠兩天遊團 (上)

上個月去左清遠 hea 左2日

Day 1

原本唔想去，因為有少少身體不適，又驚H7N9。
但屋企人話，俾哂錢唔去，好唔抵喎，為有頂硬上啦!晨早5點幾起身，無命呀!早上8:30 深圳福田集合，9:30 開車

沿途見到菜田

走地雞

坐左4個鐘車，到達飯店已經下午1:30分，唔好講笑，咁係醫肚先。

 呢餐係呢個團三餐最好食的一餐 (包括呢碟走地雞)

 豬手都幾好食!

 魚仔

又係雞

跟住又坐左個幾鐘車，到達第一個景點，天子山瀑布。

天子山瀑布群為一組天然梯級瀑布群，位於清遠市清新縣高田鎮西坑山區，
清新縣第一峰天子山（俗稱大羅山，海拔998米）南麓，距高田碧水灘漂流3千米，
離清遠市區19千公里。瀑布群由匯聚天子山泉的溪流穿山躍谷而成，流量巨大。
共有大小瀑布十多處，並有一字潭、龍潭、水簾洞等眾多景觀，
其中天子山瀑布落差90多米，溪水順山岩鋪瀉而下，有如珠簾挂壁。

唔係呀，山長水遠，黎行山!

 途中有些水流都幾急，都要小心，如果差錯腳，就麻煩啦!

行下..停下...行左個幾鐘，終於到啦。呢到d泉水好清涼，
聽講話可以飲，不過我唔敢飲。只係裝左瓶回家，不過都係無飲到。
(有些團友話回家煲熱是可以飲??? )

之後落返山，回程去食晚飯，搭左唔知幾耐車，
到達飯店已經係6點幾。

因為上一團食完，執緊枱，所以要等等。
當我們行埋時，就聽到有團友話，有無攪錯枱布都唔換，
真係食唔落飯，咁唔衛生。

服務員即刻話，都唔係好汚糟姐，
最後我們坐去第二枱。

團友們行完山，好肚餓，
服務員一上菜，團友們就搶食，所以都唔好意思再影相。
其實都係雞，魚，菜，豆腐之類，再加個例湯。
其中有碟類似豆角炒豬肉，豆角"梅梅地"，
最後同導遊講，換左佢，叫廚房炒個碟。
其中有碟雞好似餸頭餸尾，真係唔敢食。
(呢餐係同午飯個餐唔同地方)

晚飯後，跟住上車回酒店。